2010-06-23

رفس النعمة




السلام عليكم ورحمة الله وبركاته

خلال تنقلي بين بلدان العالم سواء كانت بلدان غنية و متحضرة او بلاد فقيرة تفتقر الى ابسط الاحتياجات الاساسية لاي انسان , عرفت قيمة النعمة اللي احنا انعيشها وعرفت قيمة ديننا الحنيف بشكل اكثر واكبر من خلال اطلاعي على الاديان الاخرى سواء من خلال القراءة او من خلال زيارة او من خلال تحاوري مع الجاليات الأخرى , اللي شفته خلاني اتحسر على اللي قاعد يصير عندنا بديرتنا الحبيبة , خلاني اتحسر على رفس بعض الناس للنعمة اللي اهم عايشين فيها واللي اهي ..... الكويت , للأسف مو قاعدين يشوفون الكوارث اللي قاعده تحصل للدول الاخرى من فيضانات وبراكين وصقيع , مو قاعدين يتعضون من اللي قاعد يصير في الدول الاخرى من انسلاخ للهوية الوطنية والاعتزاز بكونه انسان مسلم كويتي عنده الكثير من النعم اللي الله سبحانه وتعالى اعطاه اياه من حكام حكموا هذه الارض بالطيبة والعدل ومساعدة المحتاج , و دولة ترعى الصغير من بداية مولده لغاية موته .
لنتذكر هذه النعم التي لدينا وماذا تعطينا الدولة من ممزات جعلت الكثير يسيل لعابه ليأخذ الجنسية الكويتية

1- عند مولد الكويتي يصرف لوالده مبلغ من المال حتى يستطيع توفير المستلزمات الضرورية له .
2- توفير الخدمات الصحية المجانية بالكامل من إلى .
3- توفير التعليم المجاني من الروضة لغاية مرحلة الدكتوراة ( ولكل مجتهد نصيب ) .
4- توفير العمل للكويتي سواء بالقطاع الحكومي او القطاع الخاص .
5- توفير بدل بطالة للكويتي للغير عامل في اي مجال .
6- لدينا مجلس أمة منتخب و مجلس وزراء بعض اعضاءه من افراد الشعب وفيه من جميع اطياف الشعب .
7- لدينا حكام يتعايشون مع الجميع بدون تكبر واستعلاء مع الفقير والغني .

و و و و و و و و و و و و و و وما راح انخلص من هالنعم اللي عندنا , لكن البعض مو قاعد يشوفها للأسف وقاعد يرفسها بشكل مغزز , من تناحر وتنابز بين الناس على خلافات جاهلية مرضية تأخذ من وقت التنمية والتطور الكثير وتجعلنا نتراجع للأسوء , صار سوء الظن عند البعض ويا كثرهم اهو المعيار للحكم على اي امر , واذا صار اي خلاف لاي طرف من الاطراف كل واحد يطلع سلبيات الآخر وتعال اسمع همز ولمز وتنابز وشحن طائفي وقبلي وفئوي وبالاخير منو المستفيد ؟؟؟؟ المواطن ؟؟ لا طبعا

**** زبدة الحجي ****

• لا نرفس النعمة اللي عندنا تره النعمة زوالة والايام دول ولكل دولة رجال و زمان .
• خل نتفق على الايجابيات و الامور المشتركة اللي كل اطياف الشعب متشرك فيها ومحتاجينها .
• لو انلاحظ ان الكل متفق على التنمية والتطور للأفضل لكن ليس على حساب الغاء الطرف الآخر وتكفير البعض للبعض .
• لا نعطي مجال لأي انسان سواء كان سني او شيعي او حضري او بدوي انه يهدم قيمنا وتلاحمنا .

وان شاء الله راح يكون عنوان البوست القادم ان شاء الله : أفيون الشعب

اشوفكم على خير ان شاء الله

ولكم مني كل تحية واحترام

10 comments:

@alhaidar said...

صحيح.. احنا في نعمة كبيرة وأحسن من وايد ناس بالعالم ..

لكن هذا ما يمنع نطمح للأفضل .. ونلعن الظلم والفساد وغياب العدالة أحيانا ..

تحياتي .. وتقديري للبوست الإيجابي :)

why me said...

كلام صحيح
وأوافقك عليه


الله يعطيك الصحه والعافيه



محتاجين هالبوستات
محتاجين نعرف النعم اللي الله انعم فيها علينا



محتاجين نور الهدايه اللي مو قاعدين نشوفه


أشياء وايد محتاجينها

عثماني said...

مساك الله بالخير

صدقت والله

لولا هالنظرة المتفائلة لعم السواد حياتنا

بارك الله بك

someone_q8 said...

أحمد الحيدر
يا بأخوي احمد انا ما اختلف معاك باللي طرحته وكلنا نبي الافضل وطموحنا كل ماله ويزيد لكن اللي قاعد يصير حاليا من طريقة الطرح والاختلاف صاير مقزز وشيء يضيق الخلق , والهدف من هالبوست هو التذكير باللي عندنا من موارد يجب الاستفادة منها بالشكل الصحيح وليس بالهدم

وتحياتي لك بتشريفك للمدونة والتعليق المميز

someone_q8 said...

why me
يا هلا بأختي الكريمة , الله يعافيج من كل شر , والله اختي من اللي انشوفه واللي قاعد يصير لازم انذكر البعض بهالنعم اللي عندنا والمفروض ان كلنا انذكر الناس وانوعيهم قبل لا اتروح الديرة
مشكورة ما قصرتي اختي دائما واصلة

someone_q8 said...

عثماني
يا هلا بالحبيب الغالي , زارتنا البركة يااا حاج :)
اخوي اذا كل واحد قاعد يشوف الديرة انها عبارة عن كيكة ولازم اتخلص المفروض نوقف بويهه وانذكره باللتي هي احسن
تحياتي يا حلو

Entrümpelung said...

الله يحمى بلدكم وكل بلاد العرب والمسلميين

Entrümpelung wien said...

Dank den Themen .... Ich hoffe, mehr von den Themen

Umzug Wien said...

Vielen Dank .. Und ich hoffe, Sie Mved Entwicklung und Schreiben von verschiedenen Themen :)

Räumung Wien said...



مدونة مميزة
كل تقدير واحترامى لكم ... :)