2008-04-14

الغلاء



يوجد تحديث بسيط وتنويه بالاسفل



السلام عليكم ورحمة الله وبركاته

بعيدا عن الانتخابات و سخونتها , اليوم راح نتكلم عن سخونة الغلاء ونار الاسعار اللي صايرة شيء مو طبيعي بالبلد , شاللي صاير بالديرة ؟ التاجر صاير مو بس طماع صاير انسان مايخاف الله من خلال زيادة الاسعار بشكل مقزز !

الناس تتكلم عن ارتفاع الاسعار في الجمعيات في اغلب الاحاديث , لكن المشكلة مو بس بالجمعيات المشكلة في كل شيء ! مواد تموينية - مواد بناء - قطع غيار السيارة - المستشفيات الخاصة ( على شنو مادري ) - المواد الغذائية بجميع انواعها حتى القهوة التركية زادت :)

والله الواحد يتحسف على زيادة المعاش وكله بسبة زيادة الاسعار , ليش صرنا جذيه ايام قبل ابهاتنا علومنا ان التجار كانوا يساعدون الحكومة في دعم الاقتصاد ودعم الحكومة وهذا بعد قريناه في الكتب , الحين التجار صاروا ياكلون معاش المواطن اللي من اتييله زيادة ولو بالغلط زادوا التجار اسعار السلع ؟

طبعا راح اتقولون ان هالزيادة عالمية بسبب زيادة اسعار البترول !

وانا وياكم نعم بس مو لي هالدرجة

صرنا نشتري ماجلة البيت والاغراض من الخفجي ولا من حفر الباطن ولا من الخبر !!!!!!!!!!!!!!!!!! الله يرضى بهالشيء ؟

هذه حالة الكويتي , قام يشتري اغراضه الاساسية من بره الكويت ؟؟؟؟؟؟؟؟؟

من متى قمنا نشتري اغراضنا من بره ؟؟؟؟؟؟

وبعدين انا بعرف زيادة الاسعار العالمية ماتصير الا بالكويت ؟؟؟؟

يعني هالكلام ما ينطبق على السعودية مثلا ؟؟؟؟؟؟

اهناك الاسعار وايد رخيصة وبنفس الماركات والسلع !!!



ولنأخذ شركة كي دي دي كمثال على هالحالة :


الشركة زادت الاسعار في الكويت لكن بالسعودية راح تلقون سلعها ارخص من الكويت , ليش ؟؟؟؟؟

الشركة امأجرة الارض من الحكومة بسعر رمزي

العلف اللي تشتريه ايضا مدعوم من الحكومة

المكائن والآلات اللي عندها شاريتها من زمان يعني مو توه عشان اتزيد اسعارها



بقولكم سالفة ضيقت خلقي وعشان اتعرفون جشع التجار اشلون صاير :



من مصدر موثووووق : اجتمع وفد من غرفة وتجارة الكويت مع وزير التجارة الحالي . وكان هذا الوفد مكون من رئيس غرفة التجارة , ونائبه المحترم , وكان معاهم ملف الزيادة اللي يبون الوزير يوافق وكان الوزير يحاول يتمادى في طلبهم و يأخره تدرون ليش يا جماعة الخير لان الزيادة كانت على جميع المواد هي 200% فقط

لكن الوزير قالهم طبعا راح اشاور الجماعة اللي فوق , فطلع الوفد امعصب لانه ما عطاهم كلمة او وقع على موافقة طلبهم
عرفتوا شنو مشكلتنا : ماكوا قرار حازم من الوزير يقول لآ او نعم لازم كل ساعة يشاور الجماعة

طبعا صار كلام بينه وبينهم اكثر من هالشيء لكن حفاظا على سمعة تجار الكويت ما راح اقوله



يعني انا بعرف زيادة الاسعار ما تنزاد الا لما يسمعون التجار ان هناك زيادة للمواطنين ولا ان هناك فيه جهة اقروا لها كادر ؟؟؟

عسى ما زادوا جهة شفنا الاسعار زادت ؟ ولما عرفوا التجار ان هناك زيادة وحده لكل المواطنين وهي ال 120 وهي نهائية زودوا الاسعار بشكل نهائي , والله حرام اللي قاعد يصير بهالشعب , يعني الزيادة اتيي من صوب واتروح حق التجار من صوب , ما سوينا شيء على قولة المثل الكويتي صبه حقنا لبن :)

ملاحظة هامة : كلامي هذا حق التجار اللي مايخافون الله في ديرتهم مو حق التجار الي ما زادوا على المواطنين اي زيادة وهم معروفين كثر الله من امثالهم , و طبعا كلامي ليس عام على كل التجار بس خااااص على كل واحد زاد اسعاره

ما اقول الا اخيييييييه عليج ياكويت كل من يتغنى فيج و من ظهرج يطعنج بإسم الديموقراطية , لكن ما راح نسكت ان شاء الله



ولكم مني كل تحية واحترام

التنويه والتحديث في نفس الوقت :
المقصد من هذا الموضوع مو بس المواد الغذائية والمستلزمات الاساسية في الجمعيات فقط , انما انا اقصد بشكل عام الزيادة في ابسط الاشياء يعني المستشفيات الخاصة زادت اسعارها مع زيادة المواطنين , مواد البناء من طابوق واسمنت وحديد و تمديدات , ايضا الايجارات واسعار البيوت بالنسبه للسكن سواء بيوت او الشقق صارت شيء مو طبيعي , ما انسى دور اتحاد الجمعيات الفاشل في ردع زيادة الاسعار .
فا يا ريت ان ما انركز فقط على الجمعيات في الموضوع , واشكر كل من علق ونبهني الى هذه النقطة ولكم مني كل محبه وتقدير

42 comments:

Q8i Blogger said...

كل شي يرتفع اوكي .. بس مو الحاجات الأساسيه والمستلزمات اليوميه
مثل الحليب والعيش وغيره من أشياء أساسيه

طبعا الارتفاع عالمي مثل ماقلت
لكن تساهل اتحاد الجمعيات مع التجار اهو الي خلانا نشوف هل ارتفاع بالاسعار بالجمعيات

المفروض الجمعيات اهي المعين الاول الي يوقف مع المستهلك في وجه التاجر
لكن اتحاد جمعياتنا فاشل للأسف وفشلنا

وانا ادعوك لمشاهده هذي الحلقة الممتازه الي تتناول دور اتحاد الجمعيات الفاشل في الزياده الأخيره الي طالت اكثر من 200 منتج

http://ca.youtube.com/watch?v=YSLMQxKEjHs

ويعطيك العافيه

Eng_Q8 said...

اول مره اشوفك معصب

هدي يبا هدي ميخالف كل شي يتعدل انشالله

وبعدين الحين انتخابات اذا ياك اي عضو عطه اقتراحات وقوله يتحرك على هالسالفه وهدي اعصابك اشخليت لي عيل :)

فمان الله

فتى الجبل said...

لا تتهم التجار ياخوي
بقولك شي
منو اكبر منفذ لتصريف المواد من تموين واستهلاك بالديرة؟
الجمعيات ياخوي
اسال هالجمعيات اشقاعدين يسوون بالتاجر من دفع للاتاوات وتعرف ليش الاسعار قاعدة تزيد بهالطريقة
طبعا هذا بالاضافة لارتفاع الاسعار العالمية خاصة ان احنا دولة مستوردة لمعظم المواد

kila ma6goog said...

كتبت تعليق طويل و ما طلع

الزيادة كل مكان

هذا المختصر و تفرق من دولة منتجة و دولة مستوردة

someone_q8 said...

Q8i Blogger
انا معاك باللي قلته ان اتحاد الجمعيات ما ادى الدور اللي عليه وكأنه اتحاد ماله شغل باللي قاعد يصير
وبعدين ياخوي الجمعيات على الاقل سوت شيء يعني امنعت الكي دي دي وقامت الناس تتصل على الكي دي دي تشتري منه بالتوصيل !!
عيل ليش الجمعيات امسويه حملة وحالتها حاله ؟؟؟؟؟
مشكور على المقطع وكان ودي احطه بس لقيته وايد طويل :))
مشكور اخوي كويتي بلوغر ماننحرم , والله يوفقك بدراستك

someone_q8 said...

Eng_Q8
لووووول
والله ياخوي مو مني , انقهر لما اشوف بعض اهل ديرتي يشترون اغراضهم من بره ,
وبعدين على طاري العضو , خووو الحين اشبع كلام و تعهدات وكلام مثل العسل , اذا اعضائك اللي قبل ماسوو شيء , هالشيء مو بيدنا وما اقول الا حسبيالله ونعم الوكيل

someone_q8 said...

فتى الجبل
اخوي فتى انا معاك باللي قلته , وانا سويت تحديث بالموضوع عشان ابين ان السالفة مو سالفة جمعيات وبس ,
و بعدين اذا انا ما اتهم التجار اتهم منو ؟؟؟؟؟
خل الجمعيات وبلاويها بصوب وانا وياك في هالنقطه , لكن وباجي المواد الاستهلاكية مثل البناء و الايجارات وقطع غيار السيارات ووووو هم اقول ان اتحاد الجمعيات اهم السبب ؟, محد ينكر فشل الاتحاد في هذه الموجة لكن بشكل عام الزيادة على كل شيء
وبعدين صحيح احنا دولة مستوردة لكن لما اشوف بضاعتنا بره الكويت ارخص من ديرتي شنو يصير فيك ؟
مرورك يسعدني ياخوي

someone_q8 said...

kila ma6goog
حسافة ما طلع الكلام اللي قلته جان استفدنا منه بوسلمى لان رأيك عندي مهم مثل باقي اخواني المدونين ,
وكلامك عدل الزيادة في كل مكان لكن اللي يحز بالنفس بوسلمى لما القى الشركات الكويتية اتغلي اسعارها داخل الكويت واترخصها بره الكويت
ما اقول الا الله يعينا على هالزيادة

فريج سعود said...

ليش ما تقول الي قالوه
هذيل بيبوقونا وانت خايف على سمعتهم
بشيييييه

يعقووبوو said...

انا اقول لازم ناخذ دورة بمنطقة جليب الشيوخ
نشوفهم شنو ياكلون
ناكل مثلهم
شنو يلبسون نلبس مثلهم

لان اغلب إلي فيها معاشاتهم 50-200 دينار ((:

سدرة العشـــاق said...

الشكوى لله ياخوي

بالضبط انا مستغربة من نفس الشغلة اسعار ال كي دي دي في الكويت اغلى من سعرها بالسعودية مع انه في هالحالة الكويت اهيا المصدر و السعودية اهيا المستورد

الطمع الطمع الله يبعدنا عنه

يعطيك العافية

someone_q8 said...

فريج سعود
يا هلا بأخوي فريج سعود , اشتبيني اقول ؟ تبيني اقول ان اهم ماخذين الضوء الاخضر من فوق وان الوزيرمو بيده شيء ؟؟؟
خلها على الله , صدقني ماهموني هالتجار كثر ما همني المواطن نفسه لان اهو المتضرر اكثر من التجار
حسبيالله عليك بوسعود خليتني اقول المستخبي :)))))
:)تحياتي لك

someone_q8 said...

يعقووبوو
هلا وغلا اخوي يعقوب , خلاص روح جرب اتعيش بغرفة فيها 5 اشخاص على الاقل ينامون ويه بعض والغرفة مساحتها صغيرة , وجرب عزكم الله ان يكون الحمام مشترك ولازم تنطر طابور العزابية عشان تدش :)
و و و و و هااا اشرايك اتجرب واتقول لنا :))))))))
الشكوى لله ياخوي لكن ما انقول الا الحمدالله على كل شيء :)

someone_q8 said...

سدرة العشـــاق
اهلا بإختي سدرة , بالضبط هذا اللي صاير الطمع اهو اللي امخلينا بهالحالة
والله يعافيج , مرورك وتعليقك يثري المدونه
شكرا لكي

يعقووبوو said...

ياساتر
يا انسان كويتي
انا قلتلك ناخذ دروس عن الاكل والملبس. مو السكن والمشاركة به
((:
والسالفه ترى غشمرة مو حل حقيقي

صقر قريش said...

المشكلة ان الحاجات الأساسية ارتفعت أسعارها !! زين أعطيك أنا مثال الحين الكتب بالكويت تنباع بسعر غالي تروح مصر تلقى سعرها أقل من النص!!وقيس على أشياء وايد لا وفي ناس يطالبون بنظام الضريبة وحنا ناقصين بس ساعات اقول حِنا سوينا بروحنا جذي خصوصا وفي ناس يدورون على الغالي الحين غلا كل شي والله يعين

صقر قريش said...

اصلا تعرفون قصة الروب الملكي مال كي دي دي؟ اصلا هم كانوا يبون يزيدون سعر الروب 45فلس زيادة اتحاد الجمعيات مارضى فسحبوا منجاتهم وطلعوا هذا النوع وزادوه عن الروب العادي 45فس!!والحين طلعوا خدمات جديدة عشان يورون اتحاد الجمعيات انهم مايحتاجونهم هزلت المشكلة ان الوالدة الله يطول بعمرها تموت على الروب اليديد الملكي مالهم مادري على شنو بس يالله عليها بالعافية :).

Anonymous said...

انا عيزت اقول للناس والناس مو راضيه تفهم انا احنا مانبي 120 زياده .. والكل كان معصب ومومقتنع بكلامي !! المراد ان الزياده مثل ماقلت صارت بكل شي بالسوق والمبلغ اللي حطيته بالجيب اليمين طلع من الشمال بسرعه
نبي ناس اقتصاديين وسياسيين بالمجلس علشان يحسنون نشاط المجلس بدل هالاشكال اللي ماهمها الا بطنه وشكثر تزيد فلوسه

someone_q8 said...

يعقووبوو
ادري انها غشمره افا عليك
ولو اتشوف الملبس والمأكل هم بعد ما راح تتحمل لان اهم بديرتهم هذه طريقتهم وكل شعب متعود اشلون طريقة اكله اما احنا غير , وهم ماكو فايدة حل جليب شيوخ لازم يبيلها مجلس امه :)))

someone_q8 said...

صقر قريش
ياهلا بأخوي صقر , بالنسبة للوالدة الله يخليها لك وتستاهل اللي تبيه :)
زبالنسبة لي كي دي دي اعتقد انها راح اتعيد حساباتها لان الناس الحين عقب ما امنعت الجمعيات منتجاتها لمدة شهرين جربت منتجات ثانية وجودتها ممتازة غير الكي دي دي , وانا قاعد اشوف الجمعية والناس قامت اتخلي الكي دي دي بالرف وتاخذ غيره , طبعا هذا بعض الناس مو كلهم , وبالنسبة للضريبة ابشرك اهيه يايه يايه بس مو الحين وما اقول الا حسبي الله ونعم الوكيل في اللي يغلي الاسعار واللي يساعدهم على هالزيادة
مشكور اخوي صقر

someone_q8 said...

feelingstalk
حياك الله اخوي وزارتنا البركة , تشرفنا بتعليقك اهنيه , انا معاك بكل اللي اتقوله لكن شتسوي فيهم خذوا اللي يبونه والنتيجية اسعار نار يعني كأن يابزيد ما غزيت , وبالنسبه للمجلس اعتقد ان المجلس ما يقدر يسوي شيء بس فالحين بالكلام والصراخ على غير سنع , مع العلم ان زيادة الاسعار كانت قبل لا ينحل المجلس لكن وينهم ؟؟؟؟؟؟ صم بكم لا سوو شيء كردة فعل , اللي قاعد يصير ياخوي اكبر وقاعد ياخذ وضعه
الله يستر وقواك الله ومرورك اسعدنا

بوتشخيص said...

كلام قيم يا ريت أحد يلتفتله ..وأصبح بؤثر في شريحة واسعة من الناس اللي كانت عايشة مرتاحة في السابق

أشكرك على البوست

تحياتي :)

Eng_Q8 said...

شكلك مطول منت كاتب بوست يديد :)

someone_q8 said...

بوتشخيص
يا هلا وغلا بأخوي بوتشخيص , انا اللي اشكرك على تعليقك القيم , وحياك الله بأي وقت

someone_q8 said...

Eng_Q8
تقريبا :)))
مو مني اخوي بشمهندس ما عندي وقت للنت بسبب دوامي
مشكور عالسؤال اخوي ماقصرت :)

why me said...

كل شي صار غالي


مشكور..

someone_q8 said...

why me
حياج الله اختي زارتنا البركة , الحين غالي وباجر الضريبة والله يستر من اللي ياي

the.thinker said...

الله يعطيك العافية :)

تسلم ايدك

Selezya said...

تدري شاللي باط جبدي؟
بس لا تضحك

ان العاده اعطي الخدامه يوميا ربع دينار تروح الفرع تشتريلي سفن اب وتويكس

الحين صار التويكس بروحه 350 فلس !! اوله شدعوه والسفن بعد 150
يعني كله نص دينار لووول

شي يقهر
انا ماعندي مشكله بدفع نص ولا ربع بس عالاقل يكون على شي يسوى يعني الككاو اهو اهو نفسه ماتغير طعمه ولا حطو فيه شي يغليه شكو الزياده

هذا بالنسبه للجمعيات والشي نفسه للمراكز الثانيه

عالعموم الموضوع يحتاج لوقفه جاده خاصه بالمجلس القادم
ونتمنى الاصلاح

يعطيك العافيه

someone_q8 said...

the.thinker
الله يعافيك اخوي و حياك الله سعدت بتعليقك و الله يسلمك من الشر

someone_q8 said...

Selezya
يا هلا بأختي سيليزيا عاش من شافج
بصراحة ضحكت :)
اختي هذا اشوية ليلحين ما شفتي شيء يايتح الضريبة بعد جم سنة والله يعينا

شـقـــــران said...

العزيز انسان كويتي
صبحك الله بالخير

موضوع وفق للغاية

ومثالك الذي ضربته حول كي دي دي..بح صوتي وانا اقوله
ولكن لامجيب


مدير ادارتنا دخل على قبل ثلاث اسابيع..وقالي أمس كنت بالخفجي وشريت ماجلة شهر..حتى الاسماك ارخص منا الى الربع تقريبا!!!؟؟

اما الادوية فهناك علاج اشتريه من الكويت بسعر 6.5 تقريبا

واشتريه من السعودية بأقل من 3 دنانير!!؟

موحرام!؟

عزيزي الغلاء بالكويت مصطنع..خصوصا من المصانع التي تأخذ كل شيء بلاش
أرض ماء كهرباء عمالة

أضف اليها أن سعر الوقود لم يتغير عندنا


سأتحدث عن هذا الموضوع بشيء من التفصيل في قادم الايام إن شاء الله



مع وافر الاحترام والمودة


المحـــــــــــب/

شــقـــــران

Mishari said...

نسبة الزيادة والقول بأنها عالمية كلام فاضي

النسبة العالمية كانت من 2 الي 4% واحنا وصلت الى 8% شلون يعني احنا يفهمنا اياها؟؟؟

مالت عليهم

someone_q8 said...

شـقـــــران
يا هلا بأخوي شقران زارتنا البركة ,
شفت اشلون اخوي مشكلة اغلبية تجارنا الطمع وبس , عاد فيه احد يوقفهم ؟؟؟
خلها على الله والحمدالله على كل شيء

someone_q8 said...

Mishari
هلا بالحبيب مشاري , اخوي مشاري زيادة الاسعار راح تلقاها بكل الدول انا جربتها من خلال اكثر من سفرة هالسنة ولقيت ان الكل يشتكي من الغلاء اللي صاير بالدول , لكن عندنا بمصاااخه زايدة وطمع اكثر
ولا تنسى اتسلم لي على البطة السودة لها وحشه :)))

على نفسها جنت براقش said...

لو نعرف صج نقاطع منتج او نوقف وقفه وحده
و محد يقول يالله نفسى
جان صدقنى ما قدروا يسون اللى يبونه
لكن اذا احنا نسكت
ليش ما يلعبون بالديرة

Aldenya said...

الاسعار مشكلة بالكويت

كل شي صار غالي

قبل يومين

أبوي وخالى كانوا يتناقشون بموضوع البناء
واشلون الاسعار اختلفت بظرف سنه
قبل الحديد كان سعرة وين والحين وين
والخشب واسعار العمال ومواد البناء اللى تكسر الظهر

والفرق الكبييييييير

بين قبل والحين

ياليت في لجنه او جهة تقوم بدراسة هذا الموضوع وتحله لنا
لأنه الحالة ما تسر أبدا

someone_q8 said...

شـقـــــران
حيالله اخوي شقران , مثل ما قلت المشكلة اهيه تجارنا اللي ذابحهم الطمع , وطبعا مدام الكل ساكت واللي الحكومة ساكته فهذا معناته لا حياة لما تنادي
لك مني كل تحية اخيووو

someone_q8 said...

الدنيا
والله اختي شكل السالفة ما راح تتعدل ولازم انهيأعمرنا باللي راح ايي من زيادة بالاسعار
خليها على الله اختي

ولد الديرة said...

يبيلنا لينين كويتي

سنتين بس

someone_q8 said...

ولد الديرة
هلا بالحبيب ولد الديرة , والله يبيله على الاقل سنه لان سنتين راح اهو يطمع :))))
حياك اخوي

someone_q8 said...

على نفسها جنت براقش
يا هلا بأختي براقش , آسف آسف جدا اني ما رديت عليج لاني بصراحة نسيت وكان على بالي اني رديت عليج ,
بالنسبة ان نوقف وقفه وحده و ماناخذ اي منتج يزيد سعره فهذه صعبه لان الجمعيات التعاونية امنعت الكي دي دي لكن للأسف الناس قامت تتصل عليه وتشتري منه
اختي ما تقدرين تتحكمين بالناس , لكن فكرتج صح وياريت الناس تسمع كلامج