مبارك عليكم الشهر وعساكم من عواده
و أسال الله العلي العظيم ان يغفر لنا ولأمواتنا جميع خطايانا ويغفر لنا هفواتنا و زلاتنا يا أكرم الاكرمين
تحديث
لمعرفة كافة المعلومات عن المصفاة الرابعة وعن الشبهات راح تلقونها في مدومة الزميل
السلام عليكم ورحمة الله وبركاته
هذا المسلسل انمنع من الرقابة بالكويت سنة 2007 وتوني ادري عنه اخليكم مع هالمقطع وراح تلقون كل الحلقات بالرابط اللي تحت الحلقة
بهرني تصويره والمؤثرات السمعية والبصرية ولا كأنه مسلسل كويتي عادي
واهني باقي الحلقات
اضغط هنا
36 comments:
السلام عليكم
مسلسل مبين عليه قوي ومتعوب عليه
للاسف منع من العرض لاسباب غير معلن عنها...
صراحة اخي الكريم اذا تعرف وين اقدر احصل هذا المسلسل اكون شاكرة لك:)
ودمتم بخير وسلام
اي والله صدقت
التصوير روعه
حسااااافه منعوه لاسباب سياسيه
؟؟؟
عاد اليوم اسولف عنه
شوقتني اشوف المسلسل
ماتقصر يا إنسان كويتي مبدع في كل شيء كنت ادور عليه وخليتني احصله ماتقصر:)
صقر قريش
والموت يعشق فجأه مثلي..والموت مثلي لايحب الإنتظار
وعليكم السلام ورحمة الله وبركاته
ايي والله وايد متعوب عليه
الحلقات كلها موجوده اختي بالرابط او الوصلة اللي بآخر الموضوع باللون الاحمر
وحياج الله
صبا
فيه وايد اسباب سمعتها لكن مو متأكد من سبب منعه , ما يندره هل هي اسباب سياسية او اجتماعية او فيه اخطاء تاريخية بالاحداث ؟
الله اعلم
صقر قريش
حياك الله بوعبدالله تستاهل الطيب ياخوي
بعدين ماتقولي ليش مو داش بالاكاونت مالك ؟ عشان اعرف انك انت و مو واحد ثاني متقمص شخصيتك ؟ :)
عزيز وغالي دكتورنا المستقبل
ممنوع .. كومار راعي الدي في دي دق عليه ويعطيك الحلقات وحده وحده .
ويقولون ممنوع
السلام عليكم
ليش منع
شكله قوي حيل؟؟
مشكور على هالنقصه
ليتك مجدم شويه جان تابعته قبل رمضان
الحين ما ادري شسوي انطر يخلص رمضان ؟؟
mowa6en
هلا بالغالي
ممنوع بالاعلام الرسمي , وكومار مو واقفه عليه افلام الدي في دي , كل شيء عنده :)
بالنسبة لي توني ادري عن هالمسلسل خصوصا انه تاريخي وبالاسماء وتصويره يليق بهذا التاريخ
شكرا لمرورك الكريم
darkness
وعليكم السلام ورحمة الله وبركاته
والله اختي ما ادري ليش المنع يمكن اسباب اجتماعية وسياسية وفيه يمكن اسباب تاريخية
والعفو اختي تستاهلون الطيب
وبالنسبة متى اتشوفينه عاد هذا يعتمد عليج , حياج الله اختي
أسد الجزيرة
محاولة لإثبات بعض الحقائق التاريخية التي لا تريد الأسرة إثباتها
if you want to see it you can check this link out
http://videos.salloumi.com/
search_result.php?search_
id=%D8%A3%D8%B3%D8%AF+%D8%A7
%D9%84%D8%AC%D8%B2%D9%8A%D8%
B1%D8%A9+-+%D8%A7%D9%84%D8%A
D%D9%84%D9%82%D8%A9+&search_
typ=search_videos
واو اخيرا مسلسل قوي يطلع لا ويتحجى عن الكويت اول سياسيا واجتماعيا
وبعدين ما اتوقع مانعينه عشان فيه اخطاء لانه مبين متعوب عليه اكيد بحثوا وتأكدوا من كل شي !!
الله اعلم
ربعنا كله جذي عسى مايطلع شي زين يعطونه حكم الاعدام.. يبى شوفوا الاجانب مسلسلات وافلام عن رؤسائهم وتاريخهم !
جنه كثرت قرقه
مشكووور اخوي عاللنك
(:
الحارث بن همّام
اول شيء الحمدالله على السلامة
ما اعتقد ان في المسلسل اي احداث فيها خطأ تريد الاسرة اخفاءها لان مافي شيء ضدها بالعكس اغلبه مدح للكل حتى للعدو فيه مدح , ماكو شيء كامل اخوي الحارث
Ansam
مشكور اخوي ماقصرت وانا حاط اللنك تحت باللون الاحمر :)
شكرا على اهتمامك
Sky Is Falling
حياك الله و زارتنا البركة
من متى واحنا نرعى اي شيء فيه ابداع
طول عمرهم ما يبون الحق ينقال
المسلسل ما فيه شيء وبصراحة استفدت منه وخلاني ادور عن كتب تتكلم عن تاريخ الكويت
وعليكم السلام والرحمة :)
ويستمر مسلسل قمع الأعمال الجدّية الهادفة
ودعم أعمال الهشك بالشك والطراقات!!
وفي الأخير يقولون إعلامنا (هادف)؟! اشلون
سؤال بريء:
ليش ما وضحوا اشلون الشيخ الله يرحمه استلم مقاليد الحكم..يعني انتخبوه ولا زكوه ولا.. شالسالفة؟
:)
الفطن المتغافل
الاعلام يمشي على مقولة الجمهور عاوز كده
والزين يخليه والشين يخليه على عينه وراسه
وسؤالك بصراحه واااايد بريء :)
هذا التاريخ محد يقدر يغيره والمل يعرف اشلون الشيخ مبارك رحمة الله عليه صار حاكم ولكن للضرورة احكام
شفت المسلسل بتمعن تام
بس الله يهداهم يايبيين هالكومبارس السوريين مو شى كلش
علي العموم اشوة ان انمنع لان السيناريو بالنهاية يعطي نتيجة ضمنية سلبية
شفت اغنیة البداية
وما تابعت المحتوى للحين
لكن كإخراج و فنيات، المسلسل حده متواضع
الاحداث اللي صارت بهذاك الزمن مو هينه، و حرم تنعرض من خلال عمل رديء فنياً كهذا
WoW..mino el mokhrej????
bas bil comments 7a6een ena el mosalsal feeh wayed aghla6!
مبارك عليك الشهر..وتقبل الله طاعتنا وعبادتنا وخالص أعمالنا
ودمتم بخير وسلام
مبارك عليك الشهر وينعاد عليك بالخير والصحه يارب
العزيز انسن كويتي
بداية..مبارك عليك الشهر وعساك من عواده
بالنسبة للمسلسل..فقد كنت اتابع أخباره قبل رمضان الماضي
وأسباب المنع كثيرة ولكن اهمها أنه تحدث بإسائه وعدم مصداقية ناحية عبدالعزيز الرشيد والذي كان حاكم حائل
والمعركة المشهورة بين أسد الجزيرة مبارك الصباح ومعه أهل الكويت وأغلب القبائل الجزيرةبإمرائها (لأنهم كانوا تحت لواء أسد الجزيرة) وابن سعود من جهه وابن رشيد في الجهة الأخرى
معركة الصريف
والتي من نتائجها أن تغيرت موازين القوى في شبه الجزيرة العربية وزاد نفوذ ابن رشيد فامتد حكمه الى نجد بعد أن قام باسقاط الدولة السعودية الثانية ونزوح ابن سعود الى الكويت في ضيافة مبارك الكبير..وأظنك تعرف باقي القصة
فعائلة ابن رشيد هددت بالمساءلة القضائية تجاه مؤلف العمل ومنتجه لأن من ألّـف وانتج سيأخذ بالحسبان من يحكم حالياً!!؟
والذي يحكم حاليا هم آل الصباح وابن سعود...فهل تتوقع من صاحب العمل أن يكون منصفا في قرائته التاريخية
شخصيا..لا أظن وهو ماحدث حسب ماقرأت حينها من ردود افعال
ولاتنسى أن هذه احداث تاريخية تجاوزتها الاسر الحاكمة (آل الصباح وابن سعود) تجاه ابن رشيد والذي كان مدعوم من الدولة العثمانية قبل انهيار حكم ابن رشيد في عاصمته حائل واعلان قيام الدولة السعودية الثالثة (الحالية )
أرجو أن لايفهم من كلامي بانني أغلب طرفا على طرف...ولكن إن كان هناك من يريد أن يعمل عمل تاريخي ويصوره كمسلسل أو فيلم...فعليه
إما أن يقرأ التاريخ كما هو
أو فليبتعد حتى لانظلم التاريخ وانفسنا
والمؤلف والمنتج قطعا سيكتبان سيناريو من صالح آل الصباح وابن سعود...وهذا ماتحدثت عنه بعض المقالات الناقدة حينما تم اعتماد القصة واجازتها
وهو الذي اتت من تبعاته الملاحقة القضائية...وأعتقد إن لم تخني الذاكرة بأن أفراد كبار (ثقلاً وعمرا) من الاسرة الحاكمة عندنا طلبوا عدم عرض المسلسل حتى لاتكون هناك جدالات حول تاريخ لم يقرأ جيدا من قبل مؤلفه ومنتجه!؟
ملاحظة
لقوة ونفوذ أسد الجزيرة المرحوم مبارك الكبير فإن اغلب أمراء قبائل الجزيرة العربية كانوا يدينون له بالولاء لذلك جاءت تسمية أسد الجزيرة
ومنهم حسب ما أعرف
امير العوازم ابن جامع
امير العجمان ابن حثلين
امير الرشايدة ابن قرينيس
امير الظفير ابن سويط
امير امطير الدويش
امير الهواجر آل شافي
وامير اسبيع ابو اثنين
وغيرهم كثيرون لاتحضرني الذاكرة حاليا
بالاضافة الى امير المنتفق سعدون باشا آل السعدون
أرجو أن أكون وفقت في نقل جزء من الصورة حسب ماعرفت وما قرأت وما سمعت من رواة تناقلوه من الأولين حول الحادثة
ولاننسى هنا القصيدة المشهورة لناصر اليوسف البدر الجناعي..والتي امتدح بها ابن رشيد وانزله قدره رغم أنه شاعر الكويت الأول حينها
وهكذا كان الأولون يحفظون مقادير الناس حتى لو ناصبوهم العداء...شرف الخصومة
وشرف الخصومة غائب في زماننا هذا..فالطاغي هو الفجور بالخصومة
مع وافر الاحترام والمودة
مبارك عليك الشهر و كل عام و انت بخير
Mishari
يا هلا اخوي مشاري
بالنسبة للكومبارس لازم سوريين لان التصوير كان بسوريا :)
والله يالمشري انا ما خلصت المسلسل لحد الآن فا ما ادري اذا كانت النهاية تدعم التاريخ او تخيبه
شكرا لمرورك الطيب
حسام بن ضرار
اول شيء شوفه وبعدين يصير خير :))
والله اخوي حسام بالنسبة للفنيات ما عندي اي خبرة نهائيا هل هي ممتازة ام رديئة واذا انت عندك المام بهالامور فا انت ادرى طبعا لكن خل انشوفه كله وانشوف محتواه بشكل كامل
ماقصرت بتعليقك ياخوي
Ni3Na3aH
اهلا اختي نعناعة , على ما اعتقد اسم المخرج باسل الخطيب
بالنسبة للأخطاء مو انا اللي يقدر يقول لاني مو متخصص بالتاريخ ولا عندي اي فكرة عن هذه الفترة بالذات كل من يراه بزاويته ونظرته :)
شكرا لمرورك الكريم
والموت يعشق فجأه مثلي..والموت مثلي لايحب الإنتظار
علينا وعليج يتبارك اختي وان شاء الله يتقبل صالح اعمالنا جميعا
جزاج الله كل خير
صبا
علينا وعليج يتبارك اختي
مشكورة ماقصرت بارك الله فيج
شـقـــــران
اول شيء علينا وعليك يتبارك وعساك من عواده
وثاني شيء اشكرك كثيييرا على هذه المعلومات القييمة والرائعة اللي استفدت منها وايد وجزاك الله كل خير
بالنسبة للمسلسل اتمنى اخوي شقران اتشوف للآخر عشان تكتمل عندك الصورة بشكل اكمل واتكون رأي لك وتشمله بآراء المنتقدين لهذا المسلسل ,
انا شفت المسلسل لكن لحد الحين ما خلصته و من خلال اللي شفته ما لقيت اي اساءة سلبية وطعن للأمير ابن رشيد , بالعكس لقيت ان المسلسل يمدح ذكاءة وفطنته وشجاعته , خصوصا ان بعض النقاد لما انتقدوا المسلسل يقولون ان هالمسلسل طلع اب رشيد بصورة الخاسر في معركة الصريف ولكن بالمسلسل بينوا للناس ان ابن رشيد اهو المنتصر وبذكاء
وبصراحة اخوي شقران هالمسلسل خلاني ابحث عن تاريخ الكويت بشكل اكبر لان المعلومات اللي عندي مو كثيرة وما كنت مهتم وايد لكن للما شفته حسيت ان احنا المفروض انعرف هالتاريخ ونقراه بأكثر من رؤية و من زاوية حتى تتضح الحقيقة
ماقصرت ياخوي والله يعطيك العافية
Enter-Q8
يا هلا اخوي انتر
علينا وعليك يتبارك وعساك من عواده ان شاء الله
مشكور وعساك عالقوة
يعطيك العافيه اخوي
انا شايف المسلسل على دي في دي والله مسلسل قوي و حده عجيب
و اسباب منع المسلسل هو بعض تحريف الحقائق و الشخصيات
قرينيس الرشيدي اللي كان رفيج مبارك الصباح خلووه خادم له ؟؟؟؟
ليش ما ذكروا معركة جولبن بين مبارك الصباح و عبدالعزيز بن سعود ضد سلطان الدويش ؟؟؟
عبدالرحمن آل سعود و ولده عبدالعزيز كانوا بالكويت في عهد مبارك الصباح .. ليش ما مثلوا دورهم ؟؟
و عيال محمد و جراح اصلاً ما بايعوا مبارك بالحكم .. و بالمسلسل موضحين انهم بايعوه بعدين راحوا حق يوسف بن عبدالله بن ابراهيم العنجري !
وين الشيخ خليفه الصباح اللي قتل بمعركة الصريف مع شقيقه حمود الصباح ؟؟
ليش ما مثلوا دور الشيخ احمد الجابر الصباح و عبدالعزيز بن سعود بالحرب ضد سعدون باشا بقيادة الشيخ سالم بن مبارك ؟؟
بالنسبه لمعركة الصريف يابوا مضمون الاحداث لكن تغاضوا عن اشياء كثييره ..
احدى القبائل الكويتيه ( لا اريد ذكر اسمها ) كانت مع مبارك الصباح في حرب الصريف لكنها غدرت فيه بالحرب و سلبته
و محمد ولد موضي العبيدي اللي استشهد بالحرب اسمه الصجي محمد ( العويش ) و ليس محمد العبيدي
و قصر الشيخ مبارك الصباح اللي اهو ( قصر السيف ) كان قصر كبير بمعنى الكلمه و ليس قصر متواضع مثل اللي مثلوا فيه
و هذاغير اللي ما يحضرني من اخطاء لاحظتها بالمسلسل
يعطيك العافيه اخوي
انا شايف المسلسل على دي في دي والله مسلسل قوي و حده عجيب
و اسباب منع المسلسل هو بعض تحريف الحقائق و الشخصيات
قرينيس الرشيدي اللي كان رفيج مبارك الصباح خلووه خادم له ؟؟؟؟
ليش ما ذكروا معركة جولبن بين مبارك الصباح و عبدالعزيز بن سعود ضد سلطان الدويش ؟؟؟
عبدالرحمن آل سعود و ولده عبدالعزيز كانوا بالكويت في عهد مبارك الصباح .. ليش ما مثلوا دورهم ؟؟
و عيال محمد و جراح اصلاً ما بايعوا مبارك بالحكم .. و بالمسلسل موضحين انهم بايعوه بعدين راحوا حق يوسف بن عبدالله بن ابراهيم العنجري !
وين الشيخ خليفه الصباح اللي قتل بمعركة الصريف مع شقيقه حمود الصباح ؟؟
ليش ما مثلوا دور الشيخ احمد الجابر الصباح و عبدالعزيز بن سعود بالحرب ضد سعدون باشا بقيادة الشيخ سالم بن مبارك ؟؟
بالنسبه لمعركة الصريف يابوا مضمون الاحداث لكن تغاضوا عن اشياء كثييره ..
احدى القبائل الكويتيه ( لا اريد ذكر اسمها ) كانت مع مبارك الصباح في حرب الصريف لكنها غدرت فيه بالحرب و سلبته
و محمد ولد موضي العبيدي اللي استشهد بالحرب اسمه الصجي محمد ( العويش ) و ليس محمد العبيدي
و قصر الشيخ مبارك الصباح اللي اهو ( قصر السيف ) كان قصر كبير بمعنى الكلمه و ليس قصر متواضع مثل اللي مثلوا فيه
و هذاغير اللي ما يحضرني من اخطاء لاحظتها بالمسلسل
والتي من نتائجها أن تغيرت موازين القوى في شبه الجزيرة العربية وزاد نفوذ ابن رشيد فامتد حكمه الى نجد بعد أن قام باسقاط الدولة السعودية الثانية ونزوح ابن سعود الى الكويت في ضيافة مبارك الكبير..وأظنك تعرف باقي القصة
اخوي شقران .. اساساً الامام عبدالرحمن بن سعود و ولده عبدالعزيز كانوا بالكويت قبل حرب الصريف بعشر سنوات
و كانت خطة الشيخ مبارك ان يذهب عبدالعزيز و معاه جيش لإستعادة حكم الرياض .. و ان يذهب مبارك و معه سعدون باشا و القبايل الكويتيه لملاقات عبدالعزيز بن رشيد في حايل و تحيحداً بمنطقة الصريف اللي حدثت فيها الحرب
Post a Comment