بسنا حجي

السلام عليكم ورحمة الله وبركاته

لما قريت خبر المجازر اللي حصلت في غزة ضاق صدري وايد وتألمت بحسرة للي قاعد يصير في فلسطين , ما راح انقول ان حماس اهيه السبب ما قاعد ينقال حاليا , ولا راح اقول ان الرئيس عباس اهو السبب لان اهو تعنت مع حماس , لكن المشكلة اكبر من جذيه بوايد على سبيل المثال :

* العدو ما سوه هذه المجزرة الا لما عرف ان العرب خرطي بس كلام

* العدو ما سوه هذه المجزرة الا لما شاف الاخوان يتقاتلون بينهم وجدامه

* العدو ما سوه هالمجزرة الا لما شاف المسلمين لاهيين بدنياهم وكل واحد يفكر اشلون يعيش

* العدو ما سوه هالمجزرة الا انه يدري انه وراه ظهر كبير وهو السياسة الخارجية الامريكية اللي كل ساعة اتقول اما العالم انها سوف تقف مع اسرائيل في كل وقت

* العدو ما سوه هالعملية الا انه يدري ان احنا ما نحب بعضنا البعض

* العدو ما سوه هالمجزرة الا انه يدري ان الاسلحة اللي عند العرب مو عشان الحرب مع دولة الصهاينة لكن الاسلحة اللي عند العرب عشان يتقاتلون بعضهم البعض

* العدو ما سوه هالمجزرة الا لما عرف ان حكام العرب والمسلمين بس كلام بكلام بدون عمل ويدرون ان آخرتها كم بيزة للفلسطينيين والسلام ختام

* العدو ما سوه هالمجزرة الا لما عرف ان العملاء والخونه بين العرب اكثر من مقاتليها ( للأسف ) مو حلوه بحقنا

للأسف اصبح الدم العربي من ارخص انواع الدم في العالم

للأسف صرنا نتحسر لحظيا وبعدها ننسى وناكل بعضنا البعض

وين الضمير ؟

وين الرجولة ؟ ماتت ؟ يمكن

وين الحكمة ؟ اكيد موجودة بالكلام فقط

آخر الكلام : لاتستغربون من اي يسوي العدو لان معاه حق

للعلم انا كتبت العدو ولم اكتب اسرائيل وذلك احتراما لنبينا الكريم يعقوب لان اسمه اسرائيل