2008-08-11

اجازة ماميش

****** ترقبوا الموضوع القادم عن قصة واقعية حدثت في الكويت *****




السلام عليكم ورحمة الله وبركاته





الظاهر ماكو اجازة بعد ما حصل امس فجرا واليكم الخبر :

حدث انفجار كبير في مصفاة الشعيبة ادى الى وقوع حالة وفاة واصابة آخر بجروح وحروق , وحدث الانفجار في الساعة 12.40 فجرا من يوم الاثنين , و الذي توفى رحمه الله و المصاب الآخر من الجنسية البنغلاديشية , وهم من عمال الصيانة

غير ذلك لا توجد اي اصابات بين الكويتيين ولله الحمد .

هذا اللي اقدر اقوله حاليا , بصراحة اللي شفته شيء ما ينوصف توقعت ان المصفاة راح تنفجر واتصير كارثة كبيرة لولا رحمة الله ولطفه فينا , المنظر مأساوي لكن شباب الكويت ماقصروا كانوا ايد وحده مو خايفين وكل هذا عشان يحافظون على اقتصاد بلدهم , صحيح فيه اخطاء فنية لكن حاليا مو وقته اني اذكر هذه الاخطاء وراح اخليها بوقت ثاني



اخليكم الحين واذا فيه بدليات تره مو مني حدي تعبان و توني ياي من الدوام
ملاحظة : الصورة اللي فوق مو للانفجار اللي صار اليوم الفجر لكن من الارشيف وهي صورة مصفاة الاحمدي يوم انفجرت سنة 2000
التحديث

16 comments:

molok said...

هلا طال عمرك .. خطاكم السو .. وقواكم الله على المجهود ..

بس غريب للحين ماسمعنا عن الخبر .. مع ان الناس تبي الشارة ..

نوم العوافي... ومعوض خير على الاجازة

العرزالــــــه said...

الله حفظك

والحمدلله على سلامتك يالغالي

:)

Mohammad Al-Yousifi said...

حمدالله عالسلامة

مؤسف

Anonymous said...

الحمدلله على السلامه وخطاكم السو والله يرحم الى مات ويصبر اهله والحمدلله ماصار فيك الشي ياخوي ورجعت غانم سالم لأهلك واحبابك الله يرحمنا برحمته :(

صقر قريش

Q8-MaNaL said...

لاحول ولا قوة الا بالله العلي العظيم

الحمدلله على سلامتك و سلامة كل اللي معاك و الله يرحم اللي توفى و يشافي المصاب مساكين يعورون القلب
:(

someone_q8 said...

molok
خطاك اللاش اخوي والله يقويك
والخبر اليوم نزل بالقبس و حطيت لنك بعد من وكالة كونا
ماقصرت حبيب

someone_q8 said...

العرزالــــــه
ونعم بالله له الحمد والشكر
والله يسلمك وغلت دنياك ياخوي
حبيب مشكووور وماقصرت

someone_q8 said...

kila ma6goog
الله يسلمك اخوي بوسلمى ماقصرت
نعم شيء مؤسف وللحديث بقية

someone_q8 said...

صقر قريش
الله يسلمك بوعبدالله وخطاك اللاش , ايي والله الله يرحمه ويصبر اهله
ولله الحمد والشكر والمنه على عدم وقوع اي اصابات كثيرة
مشكور دكتورنا المستقبل ماقصرت

someone_q8 said...

Q8-MaNaL
الله يسلمج اختي مشكورة وماقصرتي
والله يرحم المتوفي ويصبر اهله

darkness said...

السلام عليكم

خطاك السو و عساك عالقوه

ماجورين بمصيبتكم هذي

و ان شاء الله معوضين باقرب وقت

:)

bo rashed said...

الله يحفظكم يا خوي

دير بالك ياخوي

اذا واحد من الشباب ماكل بصل

وخر عنه واذا في صحن آش حاول

تدفنه بعيد عن الموقع

علشان لا ينتشر الاشعاع
:P
دعابه
حبيت اطلعك من المود الدخاني
:))))))))))))

someone_q8 said...

darkness
وعليكم السلام ورحمة الله وبركاته
خطاج اللاش والله يقويج
يزاج الله كل خير اختي
والاجازة تأجلت الى شهر 11 واعتقد انها خيرة :)

someone_q8 said...

bo rashed
لوووووووووول
الله يغربل ابليسك اخوي بوراشد :)
الله يسلمك لاتحاتي عمر الشائي بائي :)
الحمدالله على السلامة لك وحشه ياخوي
بصل !!! آش!!! تصدق عاد سبحان الله لهم فوائد عجيبة للجسم لكن المصيبة اللي عنده قولون شنو يسوي ؟؟؟؟ :))
يالله لك الحمد والشكر على هالنعم
حبيب يا بوراشد مشكور ما قصرت على هالابتسامة الحلوه يا حلو

why me said...

الحمدالله على السلامه


الله ستر

someone_q8 said...

why me
الله يسلمج من الشر
اختي