2009-03-03

شكرا من القلب


السلام عليكم ورحمة الله وبركاته


اشكر الاخوة والأخوات من المدونين والمدونات على سؤالهم عني سواء من خلال المدونة او بالايميل , والله يكثر من امثالكم , وايضا اشكر كل من دخل المدونة ولم يجد موضوع جديد لمجرد انه يريد الاطلاع على المدونة

انشغلت عن التدوين بسبب ظروف العمل وايضا بسبب الاولويات في الحياة اليومية وايضا بسبب الفتنة التي حصلت قبل فترة عن غزة وتبعاتها واتهام ابناء البلد لبعضهم بعدم الولاء وخلط الاوراق فقررت وآثرت عدم الدخول في هذه المهاترات التي ليس فيها اي اثر ايجابي وكل من قال رأيه وله مطلق الحرية في ذلك وايضا كل الآراء التي قيلت لها كل احترام وتقدير , لذلك حتى هذه اللحظة لا اعرف هل سوف اكتب موضوع جديد ام لا ولكن هناك مواضيع كثيرة في بالي ومتنوعة اتمنى ان اضعها بين ايديكم خلال الفترة القادمة

اشوفكم على خير ان شاء الله

لكم مني كل تحية واحترام

35 comments:

Eng_Q8 said...

بانتظار عودتك :)

حياتي هدف مو عبث said...

ما شاء الله دائماً راقي
:)
يعطيك العافية ويعينك ربي
بانتظار مواضيعك

mellow said...

قرأت موضوعك السابق و حبيت عفويتك بالطرح

قلت

" اردت ان اضعه بطريقة عفوية بدون تحضير من القلب الى القلب "

نتمنى أن تضع مواضيعك دائماً بهذه الطريقة

بإنتظار عودتك

صبا said...

هلاااااا
والله

وينك ...منخش ...بيات شتوي
;)

شخبارك انشالله بخير
يعني الحين حضرتك بتراضينا بهالبوست
وطايحله اعتذار وشكر

لا يا بابا

نزل موضوع لا تنحاااش
على فكره موضوعك السابق الي تحدثت فيه عن الروح والروحانيات دوخني وقريته كذا مره
الصراحه من اجمل ما قرأة
احب هالمواضيع تسحرني
واتخليني اتفكر بملكوت الله وااايد
في اشياء وااايد نجهلها بهالعالم الغريب وحياة البرزخ
المهم مابي اطول عليك وااااااايد
بس اطالبك بموضوع مثله
:))

قول تم
والا انام ببلوقك وما اطلع
يالاااا قول

:)

تحياتي
وانا بإنتظارك
يا خوي
وحشتنا كلنا
وانت على البال
:)

why me said...

لا طول الغيبه

enter-q8 said...

اول شي الحمدلله على السلامة
و ان شاء الله ماهي فتنه
و تبي الصج
اكو شي ما تكتب عنه
كل شي
ديرة أكشن

شقران said...

الغالي انسان كويتي

عودا حميدا يالحبيب


وبالنسبة للإيميل فالقلوب عند بعضها وأنا أخوك


أتمنى لك كل التوفيق


تقبل مني أجمل التحايا المسائية

Selezya said...

بانتظارك :))

وولكم باك

فريج سعود said...

الحمدلله على السلامة

والعودة ان شاء الله تكون بقوة وعلى السنّة

someone_q8 said...

Eng_Q8
اشكرك بشمهندسنا :)

someone_q8 said...

حياتي هدف مو عبث
الله يعافيج اختي و يزاج الله خير :)

someone_q8 said...

mellow
ان شاء الله حاضر وهي على طول كذلك الا بعض المواضيع اللي تحتاج ادلة :)
شكرا كثيرا اختي

someone_q8 said...

صبا
:) تم
انا موجود والله اختي لكن طبيعة دوامي صعبة اشوية من ناحية الشفتات
واذا تبين اتعرفين عن دوامنا راجعي موضوع الجنود المجهولين الجزء الثالث

ببالي مواضيع من اللي انتي مهتمه فيهم وان شاء الله راح تشبعين منهم :)
اشكرج اختي الكريمة كثيرا ماقصرتي

someone_q8 said...

why me
:)
ان شاء الله
وليش امقلدمة جذيه ؟ :)

someone_q8 said...

Enter-Q8
الله يسلمك يالحبيب
والله اللي شفته من اتهام البعض للبعض الآخر عشان اختلاف في الفكر بعدم الولاء مو حلوه اتصير بين اهل البلد خصوصا ان الكل يعلم ان ولاءه لي هالارض
صدقني اخوي خالد ماعندي مانع نختلف ونتحاور لكن لا انسفه بعضنا و نستهزأ ببعضنا البعض لان اللي صار مو خلاف بل هو جدل عقيم

ماقصرت بويليد عزيز وغالي :)

someone_q8 said...

شـقـــــران
هلا بالغالي الشقري
مشكور ماتقصر والقلوب شواهد
اصيل ياخوي ولا قصورا بالاخوان والاخوات
:)

someone_q8 said...

Selezya
مشكورة اختي الكريمة
ماقصرتي :)

someone_q8 said...

فريج سعود
الله يسلمك ياخوي :)
ليلحين ما بينت فيلجا :)
والسنه مشكلة اذا مافيه بريك قوي لكن انسوي اللي علينا :)
حبيب بوسعود

الحارث بن همّام said...

عليك غياب وايد ياخوي


الله يسهل عليك وييسر امورك

مستعدة said...

سبحان الله .. المدونات المميزة تفتقد بسرعة بمجرد غيابها..

بانتظار جديدك..

جزاك الله خير

-mate said...

إخوي العزيز إنسان كويتي

مشكلتنا كعرب إن مجرد اختلاف بسيط يفسد كل الود والتواصل

نفس الشيء حصل معي بالظبط مع مدونين أعزهم وأحترم وجهات نظرهم وأكن لهم كل التقدير والإحترام، لكن بمجرد خلاف بسيط بوجهة النظر ما صار فيه كومنتس من الطرفين وهالسبب فقط لأن مو متفقين

لهذا السبب، أتحفظ كثيراً في إبداء رأيي خاصة إذا كنت أخالف المدون في الفكرة .. ما أبي أخسره أو أحط شحنات مالها داعي مع إنها مجرد وجهة نظر

على سبيل المثال: سالفة غزة والبلبة اللي صايرة في المدونات

كانت وجهة نظري غريبة بالمسألة، ماكان له داعي أقولها

بالنهاية إخوي لا تاخذ الموضوع بحساسية وتهد التدوين إذا كان سبب انقطاعك هو مثل هالإختلافات وكلنا إخوان نتفق ونختلف

أتمنى لك كل التوفيق
:)

صبا said...

:)
شخبارك

عند وعدك

لاتسى بانتظار جديدك

someone_q8 said...

الحارث بن همّام
هلا بالحبيب
اشوه ان التحضير مو عندك ولا جان المعاش كله خصومات :)
آمين أجمعين

someone_q8 said...

مستعدة
مشكورة اختي الكريمة على كلامك الجميل
وماقصرتي وان شاء الله نكون عند حسن الظن

someone_q8 said...

-mate
اخوي العزيز , انا ما خليت او هديت التدوين عشان اختلاف وجهات النظر بالعكس الاختلاف مفيد للكل لكن سبب قلة وجودي بالفترة الاخير هو بسبب العمل لان نظامنا شفتات ومتعب بعض الشيء وايضا بسبب النقض الشديد في الموظفين , وبالنسبة للي صار على غزة ما حبيت ادش بالنقاش فيه لان اللي صار هو جدال وليس نقاش
متى ما صار هناك نقاش عقلاني راح اكون سعيد بهالشيء لكن الجدال عمره ما يوصل لنتيجة الا الزعل والبعد
وان شاء الله راح يكون الموضوع القادم هو عن ادب الاختلاف

على فكرة : قول اللي تبي اتقوله بدون ما اتحاتي شخص اذا يزعل ولا لأ لان بالنهاية الكلام اللي ينقال اهم شيء انه يرضي ربنا ولا يرضي عباده :)

someone_q8 said...

صبا :)
ان شاء الله راح اتكون المواضيع القادمة مثل ما تبين ولكن بالترتيب :)

why me said...

hehehehe



لانك وايد اتغيب
ادري مو بيدك

هذي ضريبة الشهره
;ppp





اتحصل جمهور حنـــه

انا اولهم

لوول


حز حز

:)

Qanoonya~6moo7a said...

الله يكون بعونكم
القطاع النفطي ما يرحم
الله يكتب لكم الأجر
:)



و بإنتظارك إن شاء الله
:)

dalal said...

نتمنى ما تطول الغيبة

انسان راقي مثلك شرف لنا

نقدر الظروف

ReLaaaX said...

نص ولكم باك

someone_q8 said...

why me
اخجلتي تواضعنا اختي :)
وان شاء الله كثر ما اقدر اني ما اغيب وايد

شكرا حزحز :)

someone_q8 said...

₪ManaL₪
شكرا اختي الكريمة وان شاء الله هالتعب بأجره جزاج الله كل خير

someone_q8 said...

dalal
اشكرك اختي الكريمة على كلامك الراقي
يزاج الله كل خير

someone_q8 said...

ReLaaaX
شكرا كثيرا وليس نص :)

why me said...

:)