البشت

السلام عليكم

اولا نقدم التعازي لأسرة آل الصباح الكرام على فقيدهم المغفور بإذن الله تعالى الشيخ سالم صباح السالم الصباح , ونقولهم عظم الله أجركم

اليوم بقول كلام خطر على بالي لما شفت موقف كأني اول مره اشوفه
مع اني واايد اشوفه لكن اليوم مختلف ليش ما ادري
الموقف ان اليوم رحت المقبرة الصليبخات لواجب العزاء وبعد ما صلينا على الميت رحنا نتابع الجنازة حتى يدفن الميت
وانا واقف مع الناس ولا اشوف السرير اللي يشيلون عليه الميت فيه بس البشت اللي كان امغطينه بالميت وامودينه السيارة
طبعا هالشيء اللي يشوفه عادي لكن لما شفت البشت بدون صاحبه قلت في نفسي : الله يالدنيا حتى البشت راح عنه وشالوه منه
تذكرت ان الانسان ما يسوى شيء في لحظة الموت , فلوسه ما يستفيد منها بالقبر وحتى حتى عياله راح يحمونه من القبر الا شيء واحد فقط وهو عمله
وانا ما انسى طبعا حديث الرسول صلى الله عليه و آله وسلم عندما قال : ينقطع عمل بني آدم بالدنيا الا ثلاث : علم ينتفع به او ولد صالح يدعو له او عمله . او كما قال رسولنا الكريم

تخيل اخوي واختي ان اللي يدخل معاك القبر العمل فقط بس العمل
حبيت اقول هالخاطرة بسرعة قبل ما نكتب البوست الياي ان شاء الله وموضوعه عن الانماط الاجتماعية وراح يكون على مرحلتين
ولكم مني كل تحية واحترام