الى كل كويتي

السلام عليكم ورحمة الله وبركاته

آسف اني طولت عليكم لكن هالشيء مو بإيدي

هالفترة هذه بالذات تتطلب منا ككويتيين ان نضع الكويت في رأس اولوياتنا , ما نبي انتخابات فرعية , مانبي الاحزاب بجميع افكارها اتخلي مصلحتها فوق كل اعتبار واترشح وتنتخب افرادها على حساب مصلحتها ومصلحة الحزب او التكتل , نبي ننتخب الافضل , نبي ننتخب اللي فكره واضح وهدفه ايضا واضح , نبي نائب يبدي مصلحة الكويت على مصلحة القبيلة والحزب والتكتل , اعتقد جربنا النواب السابقين وأداء المجالس السابقة وعرفنا ان بالمجلس 50 نائب واللي يستاهل ينقال له نائب على الاكثر 10 نواب فقط

مانبي نواب تبصم , مانبي نواب اتهمها مصلحتها التجارية او التنفيعية , ياجماعة الخير خلوا ببالكم انكم مساءلون يوم القيامه على هالشيء

حطوا ببالكم ان هذه امانة ولازم نعطي هالامانه للي يستاهل , خافوا الله في الكويت تراها صغيرة ما تتحمل كل هالبلاوي اللي قاعدين انشوفها , اعتقد عرفنا كلنا ان المرشحين وقت الانتخابات يصيرون عسل ومايردك طلب وعلى قولة المثل يخلون الناخب يادهينه لاتنكتين , وبعد فوز المرشح بالانتخابات مايدري عن هوا دارك و بعدين يجابل يا قبيلته او عايلته او حزبه , تكفون نبي نواب تستاهل , نواب مثقفة عندها خبرات و شهادات ووعي كامل و اهم شيء يخاف الله باللي قاعد يسويه

وآخر الكلام نسأل الله العلي العظيم ان يحفظ ديرتنا من الطائفية والقبلية والاحزاب والتكتلات اللي اتخرب علينا وحدتنا

لكم مني كل تحية واحترام